لاہور: انٹرنیشنل کرکٹ کونسل کا اجلاس 13 سے 15 مارچ تک دبئی میں ہوگا، محسن نقوی اورسی ای او سلمان نصیراجلاس میں پاکستان کی نمائندگی کریں گے۔

ذرائع کے مطابق پی سی بی حکام کی 12 مارچ کی رات دبئی روانگی طے آئی سی سی بورڈ میٹنگز کےساتھ چیف ایگزیکٹو میٹنگ بھی شیڈول ہے۔

اجلاس کی سائیڈ لائن پر پی سی بی حکام دیگر بورڈزحکام سےملاقات کریں گے، جبکہ بھارتی بورڈ کےنمائندوں سے بھی بات چیت ہونے کا امکان ہے۔

اجلاس میں امریکہ اور ویسٹ انڈیز ٹی ٹوئنٹی ورلڈ کپ کے انتظامات کا جائزہ لیا جائےگا، ذرائع کا کہنا ہے کہ اگلےبرس پاکستان میں ہونےوالی چیمپئینزٹرافی کےانتظامات پربھی بات ہو گی۔