کینڈا کے بھارتی نژاد گلوکار اے پی ڈھلوں نے ابوظبی کی عظیم الشان شیخ زاید مسجد کی سیر کی ہے۔ انہوں نے اس حوالے سے متعدد تصویریں انسٹاگرام پر شیئر کی ہیں۔

اے پی ڈھلوں کا کہنا ہے کہ مسجد کی سیر کے دوران انہیں ایسا محسوس ہوا جیسے وہ جنت میں ہوں۔

اے پی ڈھلوں نے دبئی میں اپنے پرستاروں کو کنسرٹ میں شاندار پرفارمنس کے ذریعے مسحور کرنے کے بعد یو اے ای کے دارالحکومت کی شیخ زاید مسجد میں کچھ وقت گزارا۔

انسٹاگرام پر تصویریں شیئر کرتے ہوئے اے پی ڈھلوں نے مسجد کی شاندار طرزِ تعمیر کو سراہا اور وہاں ملنے والے روحانی سکون کا خصوصی طور پر حوالہ دیا۔

’براؤن منڈے‘ اور ’ٹرو اسٹوریز‘ جیسے گیتوں کے ذریعے غیر معمولی شہرت پانے والے اے پی ڈھلوں نے شیخ زاید مسجد کی سیر کے لیے عربوں کا روایتی لباس ژوب زیبِ تن کیا۔