سابق نگراں وزیر اعظم انوار الحق کاکڑ کو اقتدار جاتے ہی پہلا نوٹس جاری ہوگیا۔

سابق نگراں وزیراعظم انوالحق کاکڑ وزرات ہاؤسنگ کے نادہندہ نکلے اور ان کے خلاف نوٹس جاری کر دیا گیا۔

وزرات ہاؤسنگ کے مطابق انوار الحق کاکڑ بطور سینیٹر منسٹر انکلیو میں گزشتہ ساڑھے 5 سال سے رہائش پذیر رہے، انوارالحق کاکڑ کے ذمے منسٹر انکلیو میں ساڑھے 5 سال تک استعمال ہونے والی رہائش گاہ کا 60 لاکھ کرایہ واجب ادا ہے۔

رپورٹس کے مطابق انوار الحق کاکڑ نے منسٹر انکلیو میں رہائش گاہ کا ماہانہ کرایہ ادا نہیں کیا اور وزرات ہاوسنگ اینڈ ورکس نے رقم کی ادائیگی کے لیے انوارالحق کاکڑ کو نوٹس جاری کردیا۔

انوار الحق کاکڑ اب بھی منسٹرانکلیو کے بنگلہ نمبر 15 میں رہائش پذیر ہیں، وہ گزشتہ ہفتے بطور نگراں وزیراعظم اپنے عہدے سے سبکدوش ہوئے تھے۔