ممتاز تجزیہ کار سلمان غنی نے کہا ہے کہ پنجاب کابینہ کو دیکھ کر اندازہ ہوتا ہے کہ مریم نواز کے ساتھ ساتھ دوسروں کی مرضی کا بھی کیال رکھا گیا ہے۔

ان کا کہنا تھا کہ یہ کابینہ بہت حد تک ایسی ہی ہے جیسے بہت سے اجزا ملاکر دلیم (حلیم) تیار کیا جاتا ہے۔

بی بی سی اردو ڈاٹ کام کے مطابق ممتاز تجزیہ کار مجیب الرحمٰن شامی سے جب پوچھا گیا کہ کیا مریم نواز اور ان کی ٹیم اچھی کارکردگی کا مظاہرہ کرسکے گی تو انہوں نے کہا کہ اس بات سے کچھ فرق نہیں پرتا کہ کون کابینہ کا حصہ بنا ہے اور کون نہیں کیونکہ صوبے کو تو بیورو کریسی چلاتی ہے۔

سینیر صحافیوں نے یہ رائے بھی ظاہر کی ہے کہ مریم نواز کس طریقے سے پنجاب کو چلائیں گی اُس سے بھی بہت فرق پڑے گا۔

واضح رہے کہ حلف برداری کے موقع پر صحافی آپس میں یہ کہتے بھی پائے گئے کہ اس کابینہ میں تو ایسے لوگ بھی شامل ہیں جن پر کرپشن کے الزامات عائد کیے جاتے رہے ہیں۔