مریم نواز نے لاہور میں کینسر اسپتال کے قیام کا اعلان کردیا
وزیراعلیٰ پنجاب مریم نواز نے لاہور میں ویلنشیا ٹاؤن کے قریب پنجاب کا پہلا کینسر اسپتال بنانے کا اعلان کردیا۔
وزیر اعلیٰ پنجاب مریم نواز نے پنجاب کا پہلا کینسر اسپتال بنانے کا اعلان کرتے ہوئے ویلنشیا ٹاؤن کے قریب کینسراہسپتال کی مجوزہ سائٹ کا جائزہ لیا.
اس موقع پرگفتگو کرتے ہوئے ان کا کہنا تھا کہ کینسر اسپتال کے لیے دنیا بھرسے بہترین اسپشلسٹ ڈاکٹر بلائے جائیں گے۔
انہوں نے کہا کہ پنجاب کے پہلے سرکاری اسپتال میں کینسر کے مریضوں کا مفت علاج ہوگا۔ یہاں مریضوں کے علاج کے لیے بہترین ڈاکٹر اورجدید ترین مشینری لائیں گے.
مریم نواز نے اسپتال کیساتھ ساتھ مریضوں کے تیمارداروں کیلئے ہوٹل بنانے اور اسپتال کی تعمیر ایک سال میں مکمل کرنے کی ہدایت کی۔
Comments are closed on this story.