امریکا کے دو بڑے دوا ساز اداروں والگرینز اور سی وی ایس نے اعلان کیا ہے کہ وہ بہت جلد چند ریاستوں میں اسقاطِ حمل کی دوا mifepristone بیچنا شروع کرے گی۔

جن ریاستوں میں یہ دوا فروخت کی جائے گی ان میں نیو یارک اور پنسلوانیا بھی شامل ہیں۔

یہ پہلا موقع ہے کہ امریکا میں ریٹیل فارمیسیز پر اسقاطِ حمل کی کوئی دوا آزادانہ دستیاب ہوگی۔

امریکی سپریم کورٹ رواں ماہ ایک درخواست کی سماعت کرے گی جس کے تحت وہ کسی بھی خاتون کو ڈاک یا ہوم ڈلیوری کے ذریعے یا پھر آن لائن حاصل کیے جانے والے کسی نسخے کی مدد سے یہ دوا خریدنے سے روک سکتی ہے۔

امریکا کی متعدد ریاستوں میں اسقاطِ حمل سخت ممنوع ہے جبکہ بعض ریاستوں میں اس کی اجازت دی جاچکی ہے۔