راولپنڈی میں سرکاری افسر کے شہری پر تشدد کا واقعہ پیش آیا ہے، تشدد کرنے والا افسر سابق پرنسپل سیکرٹری محمد خان بھٹی کا قریبی عزیز نکلا۔

تشدد کرنے والا افسر راولپنڈی ڈیولپمنٹ اتھارٹی (آر ڈی اے) میں ڈائریکٹر فنانس کے عہدے پر ہے، سرکاری افسر ملک غنضفر نے گاڑی اوور ٹیک کرنے پر شہری پر تشدد کیا اور اس کا سر پھاڑ دیا۔

فوٹیج میں دیکھا جاسکتا ہے کہ ہوٹر لگی گاڑی کھڑی ہے، اس سرکاری گاڑی سے نکلے شخص نے گاڑی کے ڈرائیور کو تھپڑ مارا اور اسے مزید تشدد کا نشانہ بنایا۔

واقعہ آرڈی اے راولپنڈی کے مرکزی دروازے کے سامنے پیش آیا۔