پاکستان تحریک انصاف کے سابق چیئرمین عمران خان نے خیبرپختونخوا کے اسپیکر کے لیے بابر سلیم کو نامزد کردیا۔

سماجی رابطے کی ویب سائٹ ایکس (ٹوئٹر) پر جاری بیان میں پی ٹی آئی کے مرکزی سیکرٹری جنرل عمر ایوب نے بتایا کہ سابق چیئرمین پی ٹی آئی عمران خان نے خیبرپختونخوا کے اسپیکر کے لیے بابر سلیم کو نامزد کردیا۔

یاد رہے کہ اس سے قبل اسد قیصر کے بھائی عاقب اللہ کو نامزد کیا گیا تھا۔

ذرائع کا کہنا ہے کہ پارٹی میں عاقب اللہ کی نامزدگی پر تحفظات کے پیش نظر فیصلہ تبدیل کیا۔