محکمہ موسمیات نے کراچی سمیت سندھ بھرمیں جمعرات اورجمعہ ( 29 فروری اور یکم مارچ )کو تیز ہوائیں چلنے اور گرج چمک کے ساتھ بارش کی پیشگوئی کی ہے۔

محکمہ موسمیات کے مطابق کراچی میں یکم مارچ کو بارش برسے گی۔

چیف میٹرولوجسٹ سردارسرفراز کے مطابق کراچی میں یکم مارچ کو پورا دن اور رات گئے تک معتدل اور تیزبارش ہو گی۔

کراچی میں یکم مارچ سے آئندہ 3 سے 4 روزکے دوران شہر کا درجہ حرارت کم ہونے کی پیشگوئی بھی کی گئی ہے۔

محکمہ موسمیات کا کہنا ہے کہ کل سے ملک میں طاقتور ہواؤں کامغربی علاقوں میں داخل ہوگا جو جمعہ کو ملک کے بیشتر علاقوں کو اپنی لپیٹ میں لیتے ہوئے ہفتے تک موجود رہےگا۔

محکمہ موسمیات کی جانب سے مزید بتایا گیا ہے کہ آئندہ دو روز کے دوران ملک کے بیشترعلاقوں میں موسلادھاربارش کا امکان ہے۔

ملک کے بیشتر حصوں میں شدید برفباری اورچند مقامات پر ژالہ باری کا امکان بھی ظاہر کیا گیا ہے۔