پاکستان تحریک انصاف کی رہنما اور سابق وزیر خارجہ شاہ محمود قریشی کی بیٹی مہربانو قریشی کا کہنا ہے کہ عالمی مالیاتی فنڈ (آئی ایم ایف) کو خط لکھنا ان کی کمٹمنٹ کا فالو اپ ہے۔

اڈیالہ جیل کے باہر میڈیا سے گفتگو کرتے ہوئے مہر بانو قریشی نے کہا کہ آئی ایم ایف کو خط ابھی نہیں لکھا گیا اور نہ پتا ہے کہ خط میں کیا ہوگا، جو چیز ابھی ہوئی نہیں اس پر تنقید شروع کردی گئی ہے۔

حالانکہ گزشتہ روز عمران خان خود آئی ایم ایف کو خط لکھنے کی تصدیق کرچکے ہیں۔

انہوں نے کہا کہ آئی ایم ایف خود بانی پی ٹی آئی کے پاس آیا تھا اور آئی ایم ایف نے یقین دہانی کرائی تھی کہ الیکشن وقت پر صاف شفاف ہوں گے مگر نہ الیکشن صاف شفاف ہوئے اور نہ وقت پر ہوئے۔

مہر بانو قریشی کا کہنا تھا کہ آئی ایم ایف کو خط لکھنا ان کی کمٹمنٹ کا فالو اپ ہے۔