پنجاب اسمبلی کے باہر سے پولیس نے پانچ مشکوک افراد کو حراست میں لے لیا۔

مشکوک افراد نے پنجاب اسمبلی میں داخل ہونے کی کوشش کی۔

پولیس کے مطابق پانچوں افراد نے خود کو حساس ادارے کا افسر ظاہر کیا تھا۔

اس حوالے سے پولیس نے بتایا کہ پانچوں افراد کو تھانہ سول لائن منتقل کردیا گیا ہے۔

پولیس نے مزید بتایا کہ زیرحراست ملزمان کے خلاف قانونی کارروائی کی جائےگی۔

واضح رہے کہ جس وقت مشکوک افراد کو حراست میں لیا گیا تو اس وقت پنجاب اسمبلی کا دوسرا اجلاس ہو رہا تھا۔

اجلاس میں نئے اسپیکر کے انتخاب کیلئے پولنگ ہوئی اور مسلم لیگ (ن) کے ملک محمد احمد خان اسپیکر منتخب ہوگئے۔

اس موقع پر نامزد وزیرعلیٰ پنجاب مریم نواز بھی ایوان میں موجود تھیں جنہوں نے ووٹ بھی کاسٹ کیا۔