راولپنڈی پولیس نے کارروائی کرتے ہوئے والدہ کو گھر سے نکالنے والا ناخلف بیٹے کو گرفتار کرلیا۔

رتہ امرال پولیس کو متاثرہ خاتون نے درخواست دی کہ اُس کے بیٹے کامران نے گھر پر قبضہ کرکے اُسے گھر سے نکال دیا ہے۔

رتہ امرال پولیس نے والدہ کی درخواست پر والدین تحفظ آرڈنینس کے تحت مقدمہ درج کرکے ملزم کامران کو گرفتار کرلیا۔

ایس پی راول فیصل سلیم کا کہنا تھا کہ ملزم کو قرار واقعی سزا دلوانے کے لیے تمام قانونی تقاضے پورے کیے جائیں گے۔