بالی ووڈ اداکارہ جیکولین فرنینڈس نے اپنے پرانے بوائے فرینڈ اورمنی لانڈرنگ کیس میں ملوث چندرشیکھرپرخود کو ہراساں کرنےاور دھمکیاں دینے کا الزام عائد کرتے ہوئے ایف آئی آر درج کروا دی۔

دہلی پولیس کمشنر کو لکھے گئے خط میں بالی ووڈ اداکارہ نے فوری کاروائی کرنے کا مطالبہ کرتے ہوئے کہا کہ ان کی جان کو خطرہ ہے۔

جیکو لین فرنینڈس کا کہنا ہے کہ وہ مسلسل ذہنی اور نفسیاتی دباو کا شکار ہیں جس کی وجہ سکیش سے ملنے والی دھمکیاں اور بیانات ہیں ۔

یاد رہے کہ گذشتہ سال دسمبر میں بھی جیکو لین فرنینڈس نے چندر شیکھر کی جانب سے ملنے والے لو لیٹر اور بیانات کے بعد عدالت سے رجوع کر کے شیکھر کے خلاف کاروائی کرنے کی درخواست کی تھی۔

جیکولین کے سابق دوست اور انڈرورلڈ ڈان سکیش چندر شیکھر پر 200 کروڑ کی منی لانڈرنگ کا الزام ہے اوروہ جیل میں قید ہیں۔ ماضی میں سکیشن کی گرل فرینڈ رہنے والی جیکولین اب ایسے کسی بھی تعکق کو ماننے سے انکاری ہیں۔

کیا جیکولین منی لانڈرنگ میں ملوث سُکیش سے شادی کرنا چاہتی تھیں؟

جیکولین فرنینڈس کی مشکلات کچھ دن کیلئے کم ہوگئیں

دوسری جانب ملزم جیل سے بھی اپنی محبت کا اظہارکرتا رہا اور جیکو لینن کو کئی لو لیٹرز بھی لکھے ہیں۔

بھارت کی تحقیقاتی ایجنسیوں نے جیکو لینن فرنینڈس سے منی لانڈرنگ کیس کے حوالے سے تحقیقات بھی کی ہے۔

جیکولین نےپولیس کمشنر سے درخواست کی ہے کہ وہ شفافانہ تحقیقات کے عمل کو مزید آگے بڑھائیں ۔

فلمی مصروفیات کی بات کی جائے تو بالی ووڈ اداکارہ آج کل ’ویلکم ٹو دی جنگل‘ کی شوٹنگ میں مصروف ہیں۔