ضابطہ اخلاق کی خلاف ورزی پر امیدوار این اے 75 نارووال دانیال عزیز کو الیکشن کمیشن کی جانب سے نوٹس جاری کردیا گیا۔

الیکشن کمیشن نے کیس کی سماعت 10 فروری کو مقرر کردی۔

کامیابی کی صورت میں دانیال عزیز کو جاری نوٹیفکیشن الیکشن کمیشن کے فیصلے سے مشروط ہوگا۔

پشاور میں پولنگ اسٹاف غائب، کارروائی کا فیصلہ

الیکشن کمیشن نے فیصلہ ڈسٹرکٹ مانیٹرنگ آفیسر نارووال کی رپورٹ کی روشنی میں کیا۔

ڈی ایم او کی رپورٹ میں کہا گیا ہے کہ دانیال عزیز بار بار ضابطہ اخلاق کی خلاف ورزی کررہے ہیں، دانیال عزیز جاری کردہ نوٹس کا نہ تو جواب دیتے ہیں اور نہ حاضر ہوتے ہیں۔

ڈی ایم او رپورٹ کے مطابق ضابطہ اخلاق کی خلاف ورزی پر 50 ہزار جرمانہ کیا گیا جو دانیال عزیز نے ادا نہیں کیا۔