جنت نظیروادی پر بھارت کے ناجائز قبضے کو 76 برس ہوگئے جبکہ بھارتی قبضے اورمظالم کیخلاف پاکستان سمیت دنیا بھرمیں آج یوم یکجہتی کشمیرمنایا جا رہا ہے۔

روئے زمین پر آزادی کی سب سے بڑی جدوجہد 76 سال سے جاری ہے، کشمیر کی جدوجہد آزادی میں ایک دن بھی ایسا نہیں آیا جب کشمیریوں کے قدم ذرا بھی ڈگمگائے ہوں۔

یوم کشمیر کے موقع پر کشمیری بھائیوں کے ساتھ اظہار یکجہتی کے لیے خصوصی نغمہ ”خوابوں کی تعبیر“ جاری کردیا گیا۔

خصوصی نغمے کے بول راشد منہاس جبکہ آواز کامران اللہ خان نے پیش کی۔

واضح رہے کہ آج بھی کشمیر میں ہندوستان کی ظالمانہ اور غیر انسانی کاروائیوں کا سلسلہ مسلسل جاری ہے، ہر سال ہزاروں معصوم کشمیری ہندوستانی بربریت کے ہاتھوں شہید کردیے جاتے ہیں لیکن آج بھی ہندوستان کشمیریوں کے مضبوط عزائم اور حوصلوں کا پست نہیں کرسکا، ہر پاکستانی اپنے کشمیری بھائیوں کے ساتھ ہم پلہ کھڑا ہے کہ کشمیر بنے گا پاکستان۔

مزید پڑھیں

ملک بھر میں آج یوم یکجہتی کشمیر جوش و خروش سے منایا جا رہا ہے

یوم یکجہتی کشمیر آج: پاکستانی سیاسی و عسکری قیادت کا حمایت جاری رکھنے کے عزم کا اعادہ

آج کشمیریوں سے بھرپور اظہار یکجہتی کیا جارہا ہے، مشعال ملک