متحدہ قومی موومنٹ (ایم کیو ایم) پاکستان کے کنوینر خالد مقبول صدیقی نے کہا کہ آج تیر کے دفن ہونے کا دن ہے، پکا قلعہ کا گراؤنڈ چھوٹا پڑ گیا ہے، اب یہ شہر بدمعاشی برداشت نہیں کرے گا۔

حیدر آباد میں جلسے سے خطاب میں خالد مقبول صدیقی نے کہا کہ حیدرآباد جیسا جلسہ ابھی تک الیکشن مہم میں کہیں نہیں ہوا ہے۔ وہ خواب جو ہم دیکھ رہے تھے اس کی تعبیر حیدرآباد دے رہا ہے۔

ان کا کہنا تھا کہ حیدرآباد کو نہ پہلے کوئی فتح کر سکا اور نہ اب کوئی کرپائے گا۔ اس شہر نے آج قوم کی عزت رکھ لی ہے۔

خالد مقبول صدیقی نے کہا کہ حیدرآباد میں پتنگ کے سوا ہر نشان کی ضمانت ضبط ہونے والی ہے۔ آج حیدرآباد کے انتخابات کا نتیجہ سامنے آگیا ہے۔