امریکی پادری کو اہلیہ سمیت لاکھوں ڈالرز مالیت کے کرپٹوکرنسی فراڈ میں ملوث ہونے کے سبب گرفتار کرلیا گیا۔

امریکی میڈیا کے مطابق کولوراڈو پادری ایلی ریگالڈو نے اہلیہ کے ہمراہ کرپٹو کوائن کی تشہیر کے ذریعے اپنے ہی رچ کے پیروکاروں کے ساتھ یہ فراڈ کیا۔

تقریباً 32 لاکھ ڈالرز مالیت کے کرپٹوکرنسی فراڈ کرنے والے پادری نے دعویٰ کرتے ہوئے کہا کہ یہ سب کچھ انہوں نے خدا کے کہنے پرسرانجام دیا ہے۔

ایلی ریگالڈو نے اس مقصد کیلئے کریپٹو کرنسی پلیٹ فارم شروع کیا، پیسوں کا جھانسہ دیتے ہوئے لوگوں کو اس میں سرمایہ کاری پر زور دیا۔

انہوں نے لوگوں کو یہ کہہ کر اس جانب متوجہ کیا کہ، ’خدا کی طرف سے یہ حکم آیا ہے‘ ، دونوں ملزمان زیرِحراست ہیں اور دونوں سے تفتیش کی جارہی ہے۔

کولوراڈو ڈویژن سیکیورٹیز ک اس حوالے سے کہنا ہے کہ جوڑے نے INDXcoin کا استعمال کیا ہے۔

ریگالڈو نے اعترافِ جرم کرتے ہوئے کہا کہ ’یہ سارا کام خدا کا تھا لیکن ہوسکتا ہے کہ خدا کی بات سمجھنے میں مجھ سے غلطی ہوئی ہو‘۔

ریگالڈو نے کہا کہ ’پہلے میں نے خدا سے کہا کہ میں یہ نہیں کرنا چاہتا، میں نہیں جانتا کہ یہ کیسے کرنا ہے اور مجھے اس شعبے میں کوئی تجربہ بھی نہیں‘۔