عدالت نے نو مئی کو مسلم لیگ ن ہاؤس جلانے کے کیس میں صنم جاوید کی رہائی کا پروانہ جاری کیاجبکہ دوسرے مقدمے میں انہیں جوڈیشل ریمانڈ پرجیل بھجوادیاگیا

انسداد دہشت گردی عدالت لاہور کے جج ارشد جاوید نے صنم جاوید کی روبکار جاری کی،عدالت نے گزشتہ روز مسلم لیگ نون کا آفس جلانے کے مقدمہ میں صنم جاوید کی ضمانت منظور کی تھی۔

عدالت نے دو لاکھ کے ضمانتی مچلکے جمع ہونے پرروبکار جاری کی،ملزمہ صنم جاوید کے والد نے کے ضمانتی مچلکے جمع کرائے۔

دوسری جانب تھانہ شادمان نذرآتش کیس میں ملزمہ کو جوڈیشل ریمانڈ پر جیل بھجوا دیا گیا،صنم جاوید کے وکلا کا کہنا ہے کہ تھانہ شادمان جلانے کے مقدمہ میں بھی ضمانت دائر کی جائے گی۔

دوسری جانب لاہور ہائیکورٹ نے جناح ہاؤس جلاؤ گھیراؤکے مقدمے میں عالیہ حمزہ کی جانب سے دائر کی گئی ضمانت درخواست ضمانت منظور کرلی۔

جسٹس عالیہ نیلم کی سربراہی میں دو رکنی بینچ نے درخواست ضمانت پر سماعت کی ،درخواست گزار کی جانب سے فاروق باجوہ ایڈووکیٹ نے دلائل دیئے۔