قومی کرکٹ ٹیم کےسابق کپتان شاہد آفریدی نےشعیب ملک اورثناء جاوید کی شادی پر مبارکباد دیتے ہوئے ایک خاص دُعا دی۔

برطانویشہر مانچسٹر میں نجی نیوزچینل سما ٹی وی کے صحافی نے سابق کرکٹر سےسوال پوچھا تھا کہ ، ’شعیب ملک نے نئی شادی کی ہے اس پرکیا کہیں گے؟‘

اس سوال کے جواب میں مُسکرانے کے بعد شاہد آفریدی نے کہا کہ، ’شعیب ملک کوبہت بہت مبارکباد۔‘

ساتھ ہی اُن کا کہنا تھا کہ ، ’اللہ تعالیٰ اُس (شعیب ملک) کو ساری زندگی اسی لائف پارٹنر کے ساتھ خوش رکھے‘۔

شاہد آفریدی کی جانب سے اس پیغام کو صارفین کی جانب سے ذومعنی انداز میں لیا گیا۔

صارفین نے دلچسپ تبصروں میں شاہد آفریدی کو ’کچھ بھی نہ کہا اور کہہ بھی گئے‘ کے مصداق اس خاص ’دُعائیہ لائن‘ پر بھرپور داد دی۔

واضح رہے کہ شعیب ملک اور ثناء جاوید نے 20 جنوری کو انسٹاگرام پر دلکش تصاویر کے ساتھ اپنی شادی کا اعلان کیا تھا۔