جاپانی سائنس دانوں نے ایک ناقابل یقین دریافت کی ہے، سائنس دانوں نے پودوں کی ایک دوسرے سے ”بات چیت“ کی حقیقی فوٹیج حاصل کرلی ہے۔

”سائنس الرٹ“ کی ایک رپورٹ کے مطابق، پودے ہوا میں مرکبات کی ایک باریک دھند سے گھرے ہوتے ہیں جنہیں وہ بات چیت کے لیے استعمال کرتے ہیں۔ یہ مرکبات بو کی طرح ہیں اور قریبی پودوں کو خطرے سے خبردار کرتے ہیں۔

جاپانی سائنسدانوں کی ریکارڈ کردہ ویڈیو میں بتایا گیا ہے کہ پودے ان ”فضائی الارم“ کو کیسے وصول کرتے اور ان کا جواب دیتے ہیں۔

سائیتاما یونیورسٹی کے مالیکیولر بائیولوجسٹ ماساتسوگو ٹویوٹا کی قیادت میں سائنس دانوں کی ٹیم کی یہ اہم کامیابی جرنل ”نیچر کمیونیکیشنز“ میں شائع ہوئی۔

ٹیم کے دیگر ممبران میں پی ایچ ڈی کے طالب علم یوری اراتانی اور پوسٹ ڈاکٹریٹ محقق تکویا اویمورا شامل تھے۔

ٹیم نے مشاہدہ کیا کہ کیڑوں یا کسی اور طرح سے نقصان زدہ پودوں کی طرف سے جاری ہونے والے غیر مستحکم نامیاتی مرکبات (VOCs) کا ایک صحیح سلامت پودا کیسے جواب دیتا ہے۔

مصنفین نے مطالعہ میں لکھا کہ ’پودے میکانکی طور پر یا جڑی بوٹیوں سے نقصان پانے والے پڑوسی پودوں کے ذریعہ جاری کردہ VOCs کو سمجھتے ہیں اور مختلف دفاعی ردعمل کو جنم دیتے ہیں۔

اس طرح کے انٹرپلانٹ مواصلات پودوں کو ماحولیاتی خطرات سے بچاتے ہیں۔

مواصلات کو حاصل کرنے کے لیے، ان سائنس دانوں نے پتوں اور کیٹرپلرز کے کنٹینر سے منسلک ایک ایئر پمپ اور سرسوں سے متعلقہ کی ایک عام گھاس کے ساتھ ایک اور ڈبہ استعمال کیا۔

کیٹرپلرز کو ٹماٹر کے پودوں اور عربیڈوپسس تھالیانا کے پتوں پر چھوڑ دیا گیا، اس کے بعد محققین نے ان خطروں کے اشارے پر ایک دوسرے کیڑوں سے پاک عربیڈوپسس پلانٹ کے ردعمل کو ریکارڈ کیا۔

محققین نے ایک بائیو سینسر کا اسکتعمال کیا جس سے چمکدار سبز اور کیلشیم آئنوں کا پتہ چلا۔ کیلشیم سگنلنگ ایک ایسی چیز ہے جو انسانی خلیے بھی بات چیت کے لیے استعمال کرتے ہیں۔

جیسا کہ ویڈیو میں دکھایا گیا ہے، غیر نقصان زدہ پودوں کو اپنے زخمی پڑوسیوں کے پیغامات موصول ہوئے، اور انہیں کیلشیم سگنلنگ کے ساتھ جواب دیا گیا جو ان کے پتوں میں پھیل گیا۔

سائنس دان ٹویوٹا کا کہنا ہے کہ ’ہم نے آخر کار اس پیچیدہ کہانی سے پردہ اٹھایا ہے کہ پودے کب، کہاں، اور کیسے اپنے خطرے سے دوچار پڑوسیوں کے ہوائی ’انتباہی پیغامات‘ کا جواب دیتے ہیں۔‘ ہوا میں موجود مرکبات کا تجزیہ کرتے ہوئے، محققین نے پایا کہ Z-3-HAL اور E-2-HAL نامی دو مرکبات عربیڈوپسس میں کیلشیم کے سگنلز کو متاثر کرتے ہیں۔

محقق نے مزید کہا کہ ’یہ ایتھریل کمیونیکیشن نیٹ ورک، جو ہماری نظر سے پوشیدہ ہے، پڑوسی پودوں کو بروقت آنے والے خطرات سے بچانے میں اہم کردار ادا کرتا ہے۔‘

ٹیم نے میموسا پڈیکا (ٹچ می ناٹ یا چھوئی موئی) پودوں کی طرف سے جاری کیلشیم سگنلز کی پیمائش کے لیے اسی طرح کی تکنیک کا استعمال کیا، جو شکاریوں سے بچنے کے لیے چھونے کے جواب میں اپنے پتوں کو تیزی سے حرکت دیتے ہیں۔