جنوبی ہند سے تعلق رکھنے والی معروف اداکارہ ریواتھی نے بھی رام مندر کے افتتاح پر جذبات سے پُر انسٹا گرام پوسٹ اپ لوڈ کی ہے جس میں انہوں نے کہا ہے کہ پہلی بار احساس ہو رہا ہے کہ میں ہندو ہوں۔

ریواتھی کا کہنا ہے کہ ایودھیا میں رام مندر کے افتتاح نے ثابت کردیا کہ ہم محض نام کے ہندو نہیں بلکہ بھگوان کے ماننے والے ہیں۔

یاد رہے کہ 22 جنوری کو رام مندر کی افتتاحی تقریب میں بالی وڈ اور ٹالی وڈ کی معروف شخصیات امیتابھ بچن، ابھیشیک بچن، انوپم کھیر، رجنی کانت، چرنجیوی، دھنش اور رام چرن نے بھی شرکت کی تھی۔

ریواتھی امیتابھ بچن، سلمان خان اور دیگر نامور اداکاروں کے ساتھ کام کرچکی ہے۔ ”نشبد“ میں ریواتھی نے امیتابھ بچن کی بیوی کا کردار ادا کیا تھا۔

سلمان خان کے کریئر کی ابتدائی فلموں میں ”لو“ بھی نمایاں تھی جس میں ریواتھی نے اچھی اداکاری کی تھی۔ ”رات“ میں بھی ریواتھی کی اداکاری بہت پسند کی گئی تھی۔