شعیب ملک اور ثناء جاوید کی شادی کی خبر پُرانی ہونے کے باوجود سوشل میڈیا پر چھائی ہوئی ہے، جہاں اس حوالے سے دیگر خبریں وائرل ہیں وہیں ثناء کے سابق شوہرگلوکارعمیرجسوال کی ایک انسٹاگرام اسٹوری نے صارفین کی توجہ مبذول کروا لی ہے۔

اس انسٹاگرام اسٹوری نے محبت کی اس پوشیدہ کہانی کو مزید پُراسرار بنادیا ہے۔

اس کہانی میں ٹرننگ پوائنٹ خاصا غیر متوقع یے، ثناء کے سابق شوہرعمیرجسوال نے انسٹاگرام اسٹوری میں امریکی گلوکار، گیت نگار اور گٹارسٹ جان میئر کے گانے ’Who Says‘ کے ساتھ ایک تصویر بھی شیئر کی۔

اگرچہ یہ پوسٹ واضح نہیں ہے لیکن اس گانے کے بول بظاہر یہی واضح کررہے ہیں کہ عمیر نے سابقہ اہلیہ کے اس اقدام پر اپنے دلی جذبات کا اظہارکیا ہے۔

اس گانے کے بول یہ ہیں

“کون کہتا ہے کہ میں پتھر نہیں کھا سکتا

لائٹس اور ٹیلی فون بند کر دیں

میں اپنے گھر میں اکیلا ہوں

کون کہتا ہے کہ میں پتھر نہیں کھا سکتا

کون کہتا ہے کہ میں آزاد نہیں ہو سکتا

ان تمام چیزوں سے جو میں ہوا کرتا تھا

میری تاریخ کو دوبارہ لکھیں

کون کہتا ہے کہ میں آزاد نہیں ہو سکتا“

نغموں کے انتخاب سے شعیب ملک اورثناء جاوید کی اس غیر متوقع اور اچانک شادی سے عمیر کو درپیش مشکل جذباتی صورتحال کا موازنہ کیا جاسکتا ہے۔

اس پوسٹ نے مداحوں کے درمیان قیاس آرائیوں اور بحث کو جنم دیا ہے جنہوں نے اس گانے کو عمیر کے دلی جذبات سے جوڑا۔

سوشل میڈیا پر اس’خفیہ پیغام ’پر سامنے آنے والے رد عمل کا جواب عمیر جسوال ہی دے سکتے ہیں کہ اس معنی خیز پوسٹ س ان کی مُراد کیا تھی۔