ماہر قانون اور پیپلزپارٹی کے سینئر رہنماء اعتزاز احسن نے کہا ہے کہ پیپلزپارٹی کو مجھ سے جدا نہیں کیا جاسکتا۔

لاہور میں پی پی کے جلسے سے خطاب میں اعتزاز احسن نے کہا کہ پیپلز پارٹی میری فیملی ہے اور میرے خون میں گردش کرتی ہے۔

انھوں نے مزید کہا کہ ہمارے درمیان ایسی خواتین موجود ہیں جنہوں نے لاہور قلعہ میں مظالم برداشت کیے۔

پیپلزپارٹی کے جلسے سے ق لیگ کے چیف آرگنائزر چوہدری سرور نے بھی خطاب کیا۔ انھوں نے کہا کہ لاہور کے عوام نے بینظیر کا استقبال کرکے آمریت کا خاتمہ کیا تھا، اب بھی ہمارا مشن ایک ہے۔

انھوں نے کہا کہ بلاول بھٹو لاہور سے ضرور جیتے گا، بلاول کی دیگر وزرائے خارجہ سے کارکردگی اچھی رہی۔

ان کا مزید کہنا تھا کہ بے نظیربھٹو ایک ویژنری لیڈر تھیں، پی پی کی بنیاد لاہور میں رکھی گئی تھی۔