پاکستان نیوزی لینڈ کے ہاتھوں پانچ ٹی ٹوئنٹی کی سیریز میں وائٹ واش سے بچ گیا، پانچویں اور آخری میچ میں شاہینوں نے کیویز کو 42 رنز سے ہرا دیا۔

نیوزی لینڈ کی ٹیم 135 رنز کے ہدف کے تعاقب میں 92 رنز ہی بنا سکی۔

افتخار احمد نے تین کھلاڑیوں کو آؤٹ کیا، محمد نواز نے دو وکٹیں لیں، شاہین شاہ آفریدی، اسامہ میر اور زمان خان نے ایک ایک وکٹ لی۔

کرائسٹ چرچ میں کھیلے گئے سیریز کے پانچویں میچ میں پاکستان نے ٹاس جیت کر پہلے بیٹنگ کا فیصلہ کیا تھا، قومی ٹیم 8 وکٹوں کے نقصان پر مقررہ 20 اوورز میں صرف 134 رنز اسکور کر پائی۔

پاکستان کے آٹھوں کھلاڑی نیوزی لینڈ کے کھلاڑیوں کے ہاتھوں میں کیچ تھما کر آؤٹ ہوئے۔

اس سے قبل نیوزی لینڈ نے لگاتار چار ٹی ٹوئنٹی میچوں میں پاکستان کو شکست دے کر سیریز میں فیصلہ کن برتری حاصل کی تھی۔