استحکام پاکستان پارٹی (آئی پی پی) کے پیٹرن ان چیف جہانگیرترین نے کہا ہے کہ لوگوں کو تھانہ کچہری کی سیاست سے نجات دلاؤں گا، ظلم و جبر کرنے والوں کی ایسی تیسی کر دیں گے۔

لودھراں میں جلسے سے خطاب میں جہانگیر ترین نے کہا کہ مجھے صرف عوام کی خدمت کا شوق ہے، جنوبی پنجاب کو مثالی بنائیں گے۔

ان کا کہنا تھا کہ ملک مضبوطی سے چلے گا تو سب کچھ ٹھیک ہوگا، ایماندار لوگ اوپر آئیں گے تو معیشت ٹھیک ہوگی۔

انھوں نے مزید کہا کہ معیشت مضبوط ہوگی تو پاکستان ترقی کرے گا، ہمارا منشور عوام دوست ہے۔