طلاق کی خبروں کی طرح شعیب ملک کی دوسری شادی کے حوالے سے بھی ردِعمل نہ دینے والی ثانیہ مرزا نے اس بار بھی مکمل خاموشی اپنائے رکھی ہے۔

پاکستان کرکٹ ٹیم کے سابق کپتان آل راؤ نڈرشعیب ملک اور اداکارہ ثناء جاوید کی شادی کی خبروں نے آج صبح سے سوشل میڈیا کو گرما رکھا ہے۔

اس معاملے پر بات نہ کرنے والی سابق بھارتی ٹینس اسٹار نے انسٹاگرام پر اپنی ایک دلکش تصویر شیئر کی ہے۔

گرے پینٹ شرٹ کے ساتھ رائل بلیو کوٹ میں ملبوس ثانیہ کی یہ تصویر ان کے تازہ ترین شوٹ سے لی گئی ہے۔

سابق ٹینس اسٹار نے یہ شوٹ بھارت کی معروف فیشن برانڈ ’Nezo‘ کیلئے کروایا۔

اس سے قبل ثانیہ نے گزشتہ روز انسٹاگرام اسٹوری میں سابق ٹینس اسٹار نواک جوکوچ کا انٹرویو لیتے ہوئے کھینچی گئی تصویر شیئر کی تھی۔

شعیب اور ثانیہ اپریل 2010 میں شادی کے بندھن میں بندھے تھے۔ شادی کے آٹھ سال بعد 2018 میں بھارتی شہرحیدرآباد میں ان کے بیٹے اذہان مرزا ملک کی پیدائش ہوئی تھی۔

اس جوڑے کے مابین اختلافات اور پھر طلاق کی خبریں دسمبر 2022 سے وائرل ہیں دونوں کی جانب سے کبھی واضح تردید یا تصدیق نہیں کی گئی۔