سندھ کے شہر گھوٹکی میں سرحد تھانہ کی حدود گنگی کے قریب مسلح افراد کی فائرنگ سے 6 افراد جاں بحق اور تین زخمی ہوگئے۔

پولیس کے مطابق مسلح افراد نے سرحد تھانے کی حدود کے گاؤں مسکان ساوند میں مخالفین پرجدید اسلحے سے فائرنگ کی۔

پولیس کے مطابق فائرنگ کا واقعہ دو قبائل ساوند اور سندرانی کے درمیان تصادم کا شاخسانہ ہے۔ حملہ آور فائرنگ کے بعد فرار ہو گئے۔

جاں بحق ہونے والوں میں امیر بخش، فیض محمد، شیر علی، نصیب ملک،عبدالرحمان اور علی رضا شامل ہیں۔ جبکہ زخمیوں میں حبیب اللہ اور اربیلو شامل ہیں۔

فائرنگ کی اطلاع ملنے پر پولیس پہنچ گئی ہے۔ واقعے کے بعد علاقے میں خوف کا سماں ہے ۔