مردان میں دکان کے تنازع پر فائرنگ کے نتیجے میں تین سگے بھائی جاں بحق اور دو افراد شدید زخمی ہوگئے۔

پولیس کے مطابق واقعہ تھانہ چورہ کے حدود سپینکئی میں پیش آیا، جہاں بااثر افراد کی فائرنگ سے 3 بھائی روزی خان، شفیق اور شاہ زمین جاں بحق جبکہ 2 افراد شدید زخمی ہوگئے۔

اس حوالے سے پولیس نے مزید بتایا کہ فائرنگ کے بعد ملزمان فرار ہونے میں کامیاب ہوگئے۔

پولیس کے مطابق فائرنگ کا واقعہ دکان کے تنازع پر رونما ہوا۔ ملزمان کے خلاف مقدمہ درج کرکے تفتیش شروع کردی ہے۔

یہ بھی پڑھیں :

لاہور: طالبہ نے ہراساں کرنے والا ٹیکسی ڈرائیور گرفتار کروا دیا

لاہور: پارٹی کرنے والا نوجوان 10ویں منزل سے چھلانگ لگا کر دم توڑ گیا

واقعہ کی اطلاع ملنے پر ریسکیو کی ٹیم نے لاشوں اور زخمیوں کو ڈی ایچ کیو اسپتال مردان منتقل کیا۔