بھارت کی سپریم کورٹ نے گجرات کے بلقیس بانو ریپ اینڈ مرڈر کیس کے گیارہ ملزمان کو حکم دیا ہے کہ 21 جنوری تک اپنے آپ کو قانون کے حوالے کردیں۔

سپریم کورٹ نے یہ ڈیڈ لائن پہلے مقرر کی تھی۔ اب اس حوالے سے حتمی انتباہ جاری کیا ہے۔ سپریم کورٹ نے تمام ملزمان کی طرف سے سرینڈر کے لیے مزید مہلت دیے جانے کی اپیل مسترد کردی تھی۔

قانونی امور سے متعلق ویب سائٹ لائیو لا نے بتایا کہ جسٹس بی وی ناگارتنا اور جسٹس اُجل بٗھیان پر مشتمل بینچ کے فیصلے کے مطابق ملزمان نے مزید مہلت طلب کرتے ہوئے جو وجوہ بیان کی تھیں وہ میرٹ پر پوری نہیں اترتی تھیں۔

2002 میں بھارتی ریاست گجرات میں مسلم کش فسادات کے دوران 11 ہندوؤ نے جب بلقیس بانو کو اجتماعی زیادتی کا نشانہ بنایا تھا تب اس کی عمر 21 سال تھی اور وہ پانچ ماہ کی حاملہ تھی۔ تین سالہ بیٹی سمیت اس کے سات اہل خانہ کو انتہا پسند ہندووٓ نے موت کے گھاٹ اتار دیا تھا۔