بھارت کی مشرقی ریاست مغربی بنگال میں ایک نوجوان کو اس کے دوستوں نے محض اس لیے مار کر جلادیا کہ اُس نے وڈیو گیم کا پاس ورڈ دینے سے انکار کردیا تھا۔

ضلع مرشد آباد کا 18 سالہ پاپئی دس کئی دن سے لاپتا تھا۔ 15 جنوری کو اس کی لاش ایک جنگل سے ملی۔

پولیس نے تفتیش کی تو معلوم ہوا کہ اس کے دوست اس سے وڈیو گیم فری فائر کا پاس ورڈ مانگ رہے تھے۔

جب اس نے پاس ورڈ دینے سے مسلسل انکار کیا تو چار دوستوں نے مشتعل ہوکر اسے مار ڈالا اور پھر اس کی لاش جنگل میں لے جاکر ایک گاڑی میں ڈالی اور آگ لگادی۔