اسٹیٹ بینک آف پاکستان نے دسمبر 2023 میں ہوئی ترسیلات زر کے اعداد و شمار جاری کردیے ہیں۔

اسٹیٹ بینک کے مطابق دسمبر میں بیرون ملک مقیم پاکستانیوں نے 2.4 ارب ڈالر وطن بھیجے، جس کے باعث ترسیلاتِ زر نومبر کے مقابلے میں 5.4 فیصد بڑھ گئیں۔

اسٹیٹ بینک کی جانب سے جاری اعدادوشمار کے مطابق دسمبر 2022 کے مقابلے میں ترسیلات میں 13.4 فیصد اضافہ ہوا ہے۔

رواں مالی سال 6 ماہ میں ترسیلاتِ زر 13.4ارب ڈالر رہیں۔

دسمبر میں سب سے زیادہ ترسیلات سعودی عرب سے موصول ہوئیں، جو 57.7 کروڑ تھیں۔

متحدہ عرب امارات سے 41.9 کروڑ اور برطانیہ سے 36.8 کروڑ ڈالر موصول ہوئے۔