کرکٹ کے میدان میں بیٹنگ اور بولنگ کے جوہر دکھانے والے بنگلادیشی کپتان شکیب الحسن نے سیاسی معرکہ بھی جیت لیا۔

بنگلہ دیش میں اتوار کو عام انتخابات کیلئے ووٹ ڈالے گئے تھے جس میں وزیر اعظم شیخ حسینہ واجد کی عوامی لیگ نے کامیابی حاصل کی۔

شیخ حسینہ واجد کی جماعت نے مسلسل چوتھی اور مجموعی طور پر پانچویں بار الیکشن جیت کر ریکارڈ قائم کیا۔

اس الیکشن میں بنگلادیش کی کرکٹ ٹیم کے تینوں فارمیٹس کی قیادت کرنے والے شکیب الحسن بھی کامیابی حاصل کرکے رکن پارلیمنٹ بن گئے۔

36 سالہ آل راؤنڈر نے شیخ حسینہ واجد کی حکمراں جماعت عوامی لیگ کے ٹکٹ پر الیکشن میں حصہ لیا۔

شکیب الحسن نے ماگورا حلقے سے انتخابی معرکہ لڑا اور اپنے حریف کو ڈیڑھ لاکھ سے زیادہ ووٹوں کے بڑ ے مارجن سے ہرایا۔