کم عُمری میں شوبز انڈسٹری میں مقبول ہونے والی پاکستان اداکارہ ایمن خان نے جہاز میں بچوں کے ساتھ سفر کرنے والی ماؤں کو اہم مشورہ دے دیا۔

ایمن خان اپنی دوسری بیٹی مِرل منیب کی پیدائش کے بعد ایک پوڈکاسٹ شو میں شریک ہوئی تھیں جہاں انہوں نے بچوں کی پرورش سے متعلق گفتگو کی تھی۔

ایمن خان اور منیب بٹ کو اکثر سیر و تفریح کرتے ہوئے دیکھا جاتا ہے جن کی تصاویر و ویڈیوز یہ جوڑا اپنے سوشل میڈیا اکاؤنٹ پر شیئر کرتا ہے۔

شو کے میزبان نے جب ایمن خان سے بچوں کے ساتھ جہاز میں سفر کرنے کے تجربے سے متعلق ہوچھا تو ایمن خان نے اسی حوالے سے ماؤں کی رہنمائی کیلئے چند ٹپس بھی دی۔

ایمن خان نے جہاز میں سفر کرنے سے متعلق کہا کہ ’امل چار مہینے کی تھی ہم جب سے ہی جہازوں میں سفر کر رہے ہیں۔ بچے جہاز میں بہت روتے ہیں جس سے مائیں کافی پریشان ہوجاتی ہیں اور ماؤں کو سمجھ ہی نہیں آرہا ہوتا کہ یہ کیوں رو رہے ہیں‘۔

انہوں نے اس کی وجہ بتاتے ہوئے کہا کہ ’جہاز میں ہوا کے دباؤ کی وجہ سے بچوں کے کان بند ہوجاتے ہیں، اس لیے بچوں کے کانوں میں شدید تکلیف ہوتی ہے‘۔

اس مسئلے کا حل پیش کرتے ہوئے ایمن خان نے مزید کہا کہ ’ان بچوں کیلئے ماؤں کو چاہئے کہ وہ بچوں کیلئے فیڈر یا پیسیفائر لازمی رکھیں، کیونکہ چوسنے سے کانوں پر دباؤ کم ہوتا ہے‘۔

ایمن خان پاکستان کی مقبول اداکاراؤں میں سے ایک ہیں۔ اداکاری نے پاکستانی اداکار منیب بٹ سے شادی کے بعد شوبز کو خیرباد کہہ دیا تھا۔ اداکارہ ان دنوں اپنی دونوں بیٹیوں کی پرورش میں خاصا مصروف ہیں۔