دورانِ پرواز الاسکا ایئر لائنز کے جہاز کا دروازہ اکھڑنے کے بعد امریکا کی فیڈرل ایوی ایشن ایڈمنسٹریشن (ایف اے اے) نے تمام ایئر لائنز کو 170 سے زائد ”بوئنگ 737 میکس 9“ طیاروں کو گراؤنڈ کرنے کا حکم دیا ہے۔

ایف اے اے کے حکم نامے کا اطلاق صرف امریکی ائیرلائنز امریکی سرزمین پر کام کرنے والے ائیر کیریئیرز پر ہوگا، جن کے طیاروں کو گراؤنڈ کیے جانے کے بعد ان کا معائنہ کیا جائے گا۔

یونائیٹڈ ائیرلائنز کے پاس تقریباً 80 بوئنگ 737 میکس 9 طیارے ہیں، حالانکہ ان میں سے کچھ کے حال ہی میں معمول کے مطابق معائنے کیے گئے ہیں۔

جب بیچ پرواز ہوائی جہاز کی چھت ہی اُڑ گئی

الاسکا ائیر کا کہنا ہے کہ ایف اے اے کے حکم کے بعد وہ اپنے 60 سے زیادہ بوئنگ میکس 9 طیاروں کے بیڑے کو گراؤنڈ کرے گی۔

بھارت: فضاؤں میں پرواز کرنے والا طیارہ پُل کے نیچے پھنس گیا

خیال رہے کہ الاسکا ایئر لائنز کی پرواز 1282 اونٹاریو سے کیلیفورنیا کے لیے جا رہی تھی کہ اچانک کیبن میں دباؤ کے باعث دوران پرواز اس کا دروازہ اکھڑ گیا۔

فیڈرل سیفٹی حکام کے مطابق، فلائٹ میں کوئی شدید زخمی نہیں ہوا۔