بالی ووڈ انڈسٹری کے مقبول اداکار عامر خان کی بیٹی ایرا خان نوپور شیکھرے سے شادی کے بندھن میں بندھ گئیں۔ اس موقع پر ایک انوکھا منظر بھی دیکھنے میں آیا جب اداکار نے سابقہ اہلیہ کو بوسہ دیا۔

بھارتی میڈیا کے مطابق گزشتہ رات 3 جنوری کو ممبئی میں ایرا خان نے اپنے دیرینہ دوست نوپور شیکھرے سے شادی کی جس میں اس جوڑے کے قریبی دوستوں اور اہل خانہ نے شرکت کی۔

بعد ازاں اس جوڑے نے کمپنی میں اپنی شادی رجسٹر بھی کروائی، شادی سے تصاویرو ویڈیوز سوشل میڈیا پر وائرل ہورہی ہیں۔

تصاویر و ویڈیوز میں ایرا خان کو عروسی لباس میں دیکھا جاسکتا ہے جبکہ نوپور نے نیلے رنگ کی شیروانی کا انتخاب کیا تھا۔

یہ تقریب ممبئی کے شہر باندرہ میں واقع تاج لینڈز اینڈ میں منعقد ہوئی۔ اس کے بعد یہ جوڑا ادے پور کے لیے روانہ ہو گا۔ جہاں 8 جنوری کو اس جوڑے کی ایک عالیشان استقبالیہ تقریب ہوگی۔

ایرا اور نوپور کی ادے پور میں شادی کی تقریب کے بعد ١٣ جنوری کو ممبئی میں ایک اور شاندار استقبالیہ تقریب ہوگی جس میں بالی ووڈ اسٹارز کی شرکت متوقع ہے۔

شادی کی تقریب سے ایک ویڈیو سوشل میڈیا پر وائرل ہورہی ہے جس میں انوکھا منظر بھی دیکھنے میں آیا۔

بھارتی اداکار نے بیٹی کی شادی پر اپنی سابقہ اہلیہ کو بوسہ بھی دیا۔