کراچی کی مقامی عدالت نے پاکستان تحریک انصاف کے سابق چیئرمین عمران خان کے بھانجے حسان نیازی کو فرار کرانے کے کیس میں استحکام پاکستان پارٹی کے رہنما علی زیدی اور پی ٹی آئی کے صدر حلیم عادل شیخ پر فرد جرم عائد کردی۔

کراچی کے جوڈیشل مجسٹریٹ جنوبی نے سٹی کورٹ سے حسان نیازی کو فرار کرانے کے کیس کی سماعت کی جس سلسلے میں پولیس نے حلیم عادل کو عدالت میں پیش کیا جبکہ علی زیدی بھی عدالت کے روبرو پیش ہوئے۔

سماعت کے دوران پولیس کے تفتیشی افسر نے عدالت کو بتایا کہ ملزمان پر حسان نیازی کو سٹی کورٹ سے فرار کرانے کا الزام ہے اور ان کے خلاف مقدمہ تھانہ سٹی کورٹ میں درج ہے۔

عدالت نے علی زیدی اور حلیم عادل شیخ پر فرد جرم عائد کردی تاہم دونوں ملزمان نے صحت جرم سے انکار کردیا۔

جس پر عدالت نے آئندہ سماعت پر کیس کے گواہان کو طلب کرلیا اور کیس کی مزید سماعت 6 جنوری تک ملتوی کردی۔

مزید پڑھیں

حسان نیازی کو فرار کرانے کا کیس: حلیم عادل شیخ پر فرد جرم عائد کرنے کی تاریخ مقرر

لاہور ہائیکورٹ کی حسان نیازی سے الیکشن کے کاغذات نامزدگی پر دستخط کرانے کی ہدایت

’نجی افراد سے زمین لی پھر سرکاری کیس کیسے بن گیا‘، حلیم عادل شیخ کی درخواستِ بریت خارج