اولمپک گیمز کوالیفائر کے لیے 18 رکنی قومی ہاکی ٹیم کا اعلان
اولمپک گیمز کوالیفائر کیلٸے 18رکنی قومی ہاکی ٹیم کا اعلان کردیا گیا، قومی اسکواڈ کی قیادت عماد شکیل بٹ کریں گے۔
نصیر بندہ ہاکی اسٹیڈیم اسلام آباد میں ٹراٸلز کے بعد اولمپک گیمز کوالیفائر کیلٸے 18رکنی قومی ہاکی ٹیم کا اعلان کردیا گیا۔ صدر پی ایچ ایف میر طارق حسین بگٹی کی منظوری کے بعد ٹیم کا اعلان کیا گیا ہے۔
اولمپک گیمز کوالیفائر عمان میں 15 سے 21 جنوری تک کھیلا جاٸے گا، جس میں پاکستانی ٹیم کی قیادت عماد شکیل بٹ کریں گے، جب کہ ابوبکر محمود کو نائب کپتان مقرر کیا گیا ہے۔
قومی ہاکی ٹیم کے دیگر کھلاڑیوں میں عبداللہ اشتیاق، وقار، ارباز احمد، محمد عبداللہ، سفیان خان، مرتضیٰ یعقوب، عبدالمنان، عقیل احمد، معین شکیل، سلمان رزاق، عبدالحنان شاہد، غضنفر علی، عبدالرحمٰن جونیئر، زکریا حیات، رانا عبدالوحید اشرف اور ارشد لیاقت بھی شامل ہیں۔
قومی ٹیم کے ہیڈ کوچ شہناز شیخ، کوچ شکیل عباسی، اسسٹنٹ کوچ دلاور حسین اور امجد علی ہوں گے۔
Comments are closed on this story.