الیکشن کمیشن نے 31 دسمبرتک گوشوارے جمع نہ کروانے والے ارکان سینٹ کے نام جاری کردیئے اور انتباہ کی ہے کہ اگر 15 جنوری تک گوشوارے جمع نہ کرائے گئے تو سینیٹ رکنیت معطل کردی جائے گی۔

الیکشن کمیشن کی جانب سے گوشوارے جمع نہ کرانے والے ارکان سینیٹ کے نام جاری کردیے ہیں۔ گوشوارے جمع نہ کروانے والوں میں یوسف رضا گیلانی اور مصدق ملک بھی شامل ہیں۔

فہرست کے مطابق ایوان بالا کے 27 موجودہ اور ایک سابق رکن نے گوشواروں کی تفصیل جمع نہیں کروائی، ان میں سیف اللہ نیازی، شاہین خالد بٹ، عون عباس، نزہت صادق، رضا ربانی ،محمد علی شاہ جاموٹ، فیصل سبزواری بھی شامل ہیں۔

الیکشن کمیشن کی جانب سے جاری کردہ ناموں میں امام الدین شوقین، سینٹر نثار کھوڑو، تاج حیدر، خالدہ عطیب، شوکت ترین، پیر صابر شاہ، لیاقت ترکئی، مولانا عطاء الرحمن، ذیشان خانزادہ، ثانیہ نشتر، دنیش کمار، ثمینہ ممتاز، سعید ہاشمی، محمد قاسم، محمد عبدالقادر، ہدایت اللہ، دوست محمد، گردیپ سنگھ اور ہدایت اللہ خان بھی شامل ہیں۔

الیکشن کمیشن کا کہنا ہے کہ ان اراکین کی جانب سے 15 جنوری تک گوشوارے جمع نہ کروانے کی صورت میں 16 جنوری کو ان کی رکنیت معطل کر دی جائے گی۔