ایل پی جی کی قیمتوں میں اضافہ کر دیا گیا ہے اور اوگرا نے قیمتوں میں اضافے کا نوٹیفکیشن بھی جاری کردیا ہے۔

حکومت کی جانب سے ایل پی جی کی قیمتوں میں اضافہ کر دیا گیا ہے، اوگرا نے ایل پی جی کی نئی قیمتوں کا نوٹیفکیشن جاری کر دیا ہے۔

نوٹیفکیشن کے مطابق ایل پی جی کی قیمت 256 روپے 42 پیسے فی کلو مقرر کی گئی ہے، جس کے بعد ایل پی جی کا 11.8 کلو کا گھریلو سیلنڈر 18 روپے 52 پیسے مزید مہنگا ہوکر 3 ہزار 25 روپے 87 پیسے ہوگئی ہے۔

واضح رہے کہ دسمبر میں ایل پی جی کے گھریلو سیلنڈر کی قیمت 3 ہزار 7 روپے 52 پیسے مقرر تھی۔