بورے والا میں تین ملزمان نے باراتیوں کی وین میں لوٹ مار کے دوران فائرنگ کرکے تین افراد کو زخمی کردیا۔

تین نامعلوم ڈاکو باراتیوں کی وین میں چڑھ گئے۔ مزاحمت پر ڈاکوؤں کی فائرنگ سے 3 باراتی شدید زخمی ہوگئے۔

فائرنگ سے زخمی ہونے والے افراد کا کہنا تھا کہ ڈاکو لوٹ مار کے بعد فائرنگ کرتے ہوئے فرار ہوگئے۔

زخمیوں کو اسپتال منتقل کر دیا گیا، ایک کی حالت تشویش ناک بتائی جاتی ہے۔

پولیس حکام کا کہنا ہے کہ ڈاکوؤں کی گرفتاری کے لیے ناکہ بندی کروا دی ہے۔