دنیا بھر میں کرسمس کے رنگ نظر آئے۔ آسٹریلیا سے لے کر امریکا تک دنیا بھر میں عیسائی برادری میں جوش و خروش دیکھا گیا۔ سانتاکلاز نے مختلف روپ دھارتے ہوئے بچوں میں تحائف تقسیم کیے۔

گوئٹے مالا میں فائر فائٹر نے سانتا کلاز کا لباس پہنا اور گوئٹے مالا سٹی میں بیلیز برج سے دلچسپ انداز میں اتر ے اور بچوں میں کھلونے تقسیم کیے۔

امریکا کے شہر مین ہیٹن میں 97 ویں میسی تھینکس گیونگ ڈے پریڈ کے دوران سانتا کلاز کے لباس میں ملبوس شہریوں نے تحائف تقسیم کیے۔

تھائی لینڈ کے شہر بنکاک میں سی لائف بینکاک اوشن ورلڈ ایکویریم میں سانتا کلاز کا لباس پہنے ایک غوطہ خور نے کرسمس کے موقع پر مچھلیوں کے ساتھ وقت گزارا۔

یروشلم میں کرسمس تہوار سادگی سے منایا گیا، سانتا کلاز کے لباس میں شہری نے ایک اونٹ پر بیٹھ کر مسجد اقصیٰ کے گنبد کے سامنے زیتون کے باغ کا دورہ کیا اور راستے میں آنے والے بچوں میں تحائف بانٹے۔

کرسمس ڈے کے موقع پر آسٹریلوی شہر سڈنی سے ہوبارٹ کشتی ریس کا انعقاد کیا گیا، سانتا کلاز کا روپ دھارے ایک شخص نے کتے کو بھی کشتی میں سوار کیا۔

بھارت میں بھی کرسمس منائی گئی، جبکہ سانتا کلاز نے تحائف تقسیم کیے ایک سانتا کلاز دارالحکومت نئی دہلی کی سڑکوں پر بچوں کی سائیکل چلاتے بھی دیکھا گیا۔

تھائی لینڈ کے شہر آیوتھایا کے ایک اسکول میں کرسمس کی تقریبات کے موقع پر سانتا کلاز کے لباس میں ملبوس ہاتھی نے بچوں میں گفٹ تقسیم کیے۔