کورنگی نمبر ڈھائی کے نالے میں آگ لگ گئی ہے، اور ریسکیو کا کہنا ہے کہ آگ اس قدر شدید ہے کہ اس کے شعلے سڑک تک آرہے ہیں۔

ریسکیو حکام کے مطابق کراچی کے علاقے کورنگی نمبر ڈھائی کے نالے میں آگ لگ گئی ہے، مبینہ طور پر یہ آگ نالے کے اوپر سے گزرنے والی گیس لائن میں لگی ہے۔

ریسکیو ترجمان نے بتایا کہ فائر بریگیڈ کی ایک گاڑی آگ پر قابو پانے میں مصروف ہے، لیکن آگ اس قدر شدید ہے کہ اس کے شعلے اوپر سڑک تک آرہے ہیں۔

ریسکیو حکام کا کہنا ہے کہ سوئی سدرن گیس کمپنی کی انتظامیہ کو مطلع کردیا گیا ہے۔