دفتر خارجہ داؤد ابراہیم کی موت کے بھارتی دعوؤں پر ردعمل سے انکار کردیا ہے۔

دفتر خارجہ کی ترجمان ممتاز زہرا بلوچ نے میڈیا بریفنگ کے دوران کہا کہ کا پاکستان کو فلسطین میں جاری اسرائیلی جارحیت پر تشویش ہے اور ہم اس کی پرزور مذمت کرتے ہیں۔

ممتاز زہرہ بلوچ کا کہنا تھا کہ پاکستان کشمیری بہن بھائیوں کے حق خود ارادیت کے حصول تک ان کی سفارتی، سیاسی اور اخلاقی حمایت جاری رکھے گا۔

انہوں نے کہا کہ گزشتہ ہفتے نگراں وزیر خارجہ نے بین الاقوامی تنظیموں کے سربراہان کو مقبوضہ جموں و کشمیر کی صورتحال سے متعلق خطوط لکھے اور انہیں مقبوضہ کشمیر میں بھارت کے غیر قانونی اور یکطرفہ اقدامات سے آگاہ کیا۔

دفتر خارجہ کی ترجمان نے کہا کہ نئی دہلی میں پاکستانی ہائی کمیشن نے 166 ہندو یاتریوں کو ویزے جاری کیے، پاکستان ہندو اور سکھ یاتریوں کو خوش آمدید کہتا ہے۔

ترجمان کا مزید کہنا تھا کہ رواں ہفتے نگراں وزیراعظم انوار الحق کاکڑ نے کویت کا ایک روزہ دورہ کیا اور امیر کویت کے انتقال پر حکومت پاکستان اور عوام کی جانب سے اظہار تعزیت کیا۔

ترجمان دفتر خارجہ سے جب پاکستان میں داؤد ابراہیم کی موجودگی کے بارے میں سوال کیا گیا تو انہوں نے بھارتی دعوؤں پر ردعمل سے انکار کردیا۔