پاکستان اور ایران تعلقات میں نیا موڑ آگیا، ایرانی وزیرخارجہ امیر عبدالہیان نے پاک ایران تعلقات کو نئی بلندیوں تک پہنچانے کے عزم کا اظہار کیا ہے۔

ایرانی وزیر خارجہ امیر عبدالہیان سے پاکستان کے سفیر مدثر ٹیپو نے ملاقات کی، پاکستانی سفیر نے اسناد سفارت کاری ایرانی وزیرخارجہ کے حوالے کیے۔

ایرانی وزیرخارجہ نے پاک ایران تعلقات کو نئی بلندیوں تک پہنچانے کے عزم کا اظہار کرتے ہوئے کہا کہ پاکستان کے ساتھ تعلقات میں بلندیوں کو کوئی حد نہیں۔

ملاقات میں پاکستانی سفیر مدثر ٹیپو نے راسک حملے کی شدید مذمت کی۔

پاکستان کے سفیر نےغزہ کی خوفناک صورتحال کو اجاگر کرنے میں ایران کے کردار کو سراہا۔

ملاقات میں دونوں ممالک نے مل کرعلاقائی امن واستحکام کے لیے کام کرنے کا عزم بھی ظاہر کیا۔