نگراں وزیراعلیٰ پنجاب محسن نقوی کی ہدایت پر ٹرانسپورٹ کرایوں میں کمی نہ کرنے والوں کیخلاف لاہور میں کریک ڈاؤن کیا گیا۔

حکام نے زائد کرائے وصول کرنے پر 31 گاڑیاں بند کردیں، 64 ٹرانسپورٹرز کو جرمانے کر دیے۔

حکام نے اوور لوڈ نگ کرنے پر 22 گاڑیوں سے سامان اتروا دیا۔

نگراں وزیر اعلیٰ پنجاب محسن نقوی کی ہدایت کے بعد ڈپٹی کمشنر لاہور رافعہ حیدر اور سیکریٹری آر ٹی اے نے گزشتہ روز مختلف بس اسٹینڈز کا دورہ کیا تھا اور ٹرانسپورٹرز کو کرائے کم کرنے کی ہدایت کی تھی۔

نگران وزیراعلیٰ پنجاب محسن نقوی نے ڈپٹی کمشنرز کو انٹرسٹی ٹرانسپورٹ کے کرائے میں کمی کا ٹاسک دیتے ہوئے کرائے کم نہ کرنے والے ٹرانسپورٹرز کے خلاف کارروائی کا حکم دیا تھا۔