اسلام آباد کچہری میں ایک وکیل کے ساتھ انوکھا واقعہ پیش آیا، وکیل کے کوٹ میں موجود موبائل اچانک پھٹ گیا۔

صحافی ثاقب بشیر نے سوشل میڈیا پلیٹ فارم ”ایکس“ پر ایک ویڈیو شئیر کی۔

ویڈیو کے کیپشن میں انہوں نے لکھا کہ وکیل کے کوٹ سے اچانک دھواں اٹھا تو وکیل نے کوٹ اتار کر پھینک دیا۔

یہ بھی پڑھیں: دوران پرواز ہیڈ فون پھٹنے سے خاتون کا چہرہ جھلس گیا

ویڈیو کے مطابق کوٹ کے جس حصے میں موبائل تھا وہ مکمل جل گیا، موبائل بھی مکمل طور جل گیا۔ جسے دیکھ کر وکلا حیران رہ گئے۔

ثاقب بشیر کے مطابق متاثرہ وکیل نے بتایا کہ انہوں نے رات کو موبائل مکمل چارج کیا تھا، پاور بینک بھی نہیں لگا ہوا تھا، انہوں نے موبائل جیب میں ڈالا ہوا تھا کہ اچانک محسوس ہوا دھواں اٹھ رہا ہے۔