معروف عالم دین اور سابق وفاقی وزیر حامد سعید کاظمی پی پی پی میں شامل ہوگئے۔

پیپلزپارٹی پارلیمنٹرینز کے صدر آصف علی زرداری سے ملاقات کے بعد معروف عالم دین اور سابق وفاقی وزیر حامد سعید کاظمی نے دوبارہ پی پی پی میں شمولیت کا اعلان کردیا۔

سابق صدر آصف زرداری سے حامد سعید کاظمی اور احمد سعید کاظمی نے ملاقات کی، جس میں نیر بخاری، مخدوم احمد محمود اور عبدالقادر شاہین بھی موجود تھے۔

اس موقع پر عالم دین احمد سعید کاظمی بھی پیپلزپارٹی میں شامل ہوگئے۔

آصف زرداری نے حامد سعید کاظمی اور احمد سعید کاظمی کو دیگر رفقاء سمیت پی پی پی میں شمولیت پر مبارک باد دی۔

دوسری جانب آصف علی زرداری سے پی پی پی بلوچستان کے رہنما جمال رئیسانی نے زرداری ہاؤس میں ملاقات کی۔ اس موقع پر پی پی پی رہنما فرید رئیسانی بھی موجود تھے۔

آصف علی زرداری، جمال رئیسانی اور فرید رئیسانی کے درمیان بلوچستان کی سیاسی صورت حال پر تبادلہ خیال کیا گیا۔