کاروباری ہفتے کے آخری روز ڈالر کی قیمت میں کمی اور اسٹاک ایکس چینج میں کاروبار کے آغاز پر مثبت رجحان دیکھا جارہا ہے۔

انٹربینک میں ڈالر کی قیمت میں 41 پیسے کمی کے بعد ڈالر 283.10روپے پر آگیا ہے۔ اسٹیٹ بینک آف پاکستان کے مطابق انٹربینک میں کاروبار کے اختتام پر ایک امریکی ڈالر کا بھاؤ 283 روپے51 پیسے تھا۔

پاکستان اسٹاک ایکس چینج میں کاروبار کے آغاز پر مثبت رجحان دیکھا جارہا ہے، کاروبار کے دوران 100انڈیکس میں 746 پوائنٹس اضافہ دیکھا گیا ہے، پہلے سیشن کے اختتام پر 100انڈیکس 66 ہزار 196 پر بند ہوا ہے۔