امریکی ارب پتی ایلون مسک کی کمپنی ”ٹیسلا“ نے اپنے انسان نما (ہیومنائیڈ) روبوٹ کی نقاب کشائی کی ہے۔

”آپٹیمس جنریشن 2“ (Optimus Gen 2) ٹیسلا کے تخیلق کردہ روبوٹس کی ایک نئی نسل ہے جو انسانوں جیسے کام انجام دے سکتا ہے۔

اس سال کے شروع میں ٹیسلا اے آئی ڈے کے موقع پر اس روبوٹ کے پروٹو ٹائپ کی پہلی بار نقاب کشائی کی گئی تھی۔ اور اب ایلون مسک کی جانب سے شیئر کی گئی ایک ویڈیو روبوٹ کو پروٹوٹائپ سے زیادہ بہتر ظاہر کرتی ہے۔

آپٹیمس جنریشن ٹو اپنے پروٹوٹائپ سے 10 کلو ہلکا، 30 فیصد تیز، بہت ہموار اور زیادہ قابل ہے۔

اس اپ گریڈ شدہ روبوٹ میں چلنے کی تیز رفتار، ہاتھ کی حرکت، انگلیوں پر ٹیکٹائل سینسنگ اور بہت کچھ ہے۔

بدھ کوایلون مسک نے ”ایکس“ پر روبوٹ کی ایک ڈیمو ویڈیو شیئر کی، اور لکھا، ”آپٹیمس“۔

ویڈیو میں، اس روبوٹ کو ایک ٹیسلا فیکٹری میں ایکشن میں دیکھا جا سکتا ہے جس میں کمپنی کے سائبر ٹرک چاروں طرف کھڑے ہیں۔

یہ روبوٹ بہتر توازن اور مکمل جسمانی کنٹرول کی وجہ سے اٹھک بیٹھک کر سکتا ہے۔

مزید برآں، آپٹیمس جنریشن 2 کو انڈے ابالتے ہوئے بھی دیکھا گیا ہے جو ہیومنائڈ کے نئے ہاتھوں سے ممکن ہوا ہے، جس کی ”تمام انگلیوں پر ٹیکٹائل سینسنگ“ ہے۔

ویڈیو کے آخر میں، دو Optimus Gen 2 روبوٹ رقص کرتے بھی نظر آ رہے ہیں۔

ٹیسلا نے دعویٰ کیا کہ ہیومنائیڈ میں دیگر تکنیکی بہتریوں کے علاوہ ٹارک سینسنگ، انگلیوں کے حصوں اور انسانی پاؤں کی جیومیٹری کو بہتر بنایا گیا ہے۔

ٹیسلا کی ویب سائٹ بتاتی ہے کہ اس ”bipedal autonomous humanoid“ کا ہدف انسانوں کو غیر محفوظ یا غیر قانونی کاموں کو انجام دینے بچا کر خود وہ کام کرنا ہے۔

اس آخری مقصد کو حاصل کرنے کے لیے ایسے سافٹ ویئر اسٹیکس بنانے کی ضرورت ہوتی ہے جو جسمانی دنیا کے ساتھ توازن، نیویگیشن، ادراک اور تعامل کو قابل بناتے ہیں۔

ٹیسلا نے لکھا کہ ہم اپنے کچھ مشکل ترین انجینئرنگ چیلنجوں کو حل کرنے کے لیے گہری تعلیم، کمپیوٹر ویژن، موشن پلاننگ، کنٹرولز، مکینیکل اور جنرل سافٹ ویئر انجینئرز کی خدمات حاصل کر رہے ہیں۔

کمپنی نے کہا کہ وہ جلد ہی اپنے مینوفیکچرنگ آپریشنز میں روبوٹ کا استعمال شروع کرنے کا ارادہ رکھتی ہے۔

2022 میں ٹیسلا کے شیئر ہولڈرز کی میٹنگ میں، مسک نے ہیومنائیڈ روبوٹ کے بارے میں بات کی اور کہا تھا کہ، ’’میرے خیال میں یہ ایک معیشت کے پورے تصور کو اپنے بل پر بدل دے گا‘۔

کچھ مہینے پہلے، ٹیسلا نے اپنے ہیومنائیڈ روبوٹ کی ایک اور ویڈیو شیئر کی تھی جس میں مختلف قسم کے کام انجام دیتے ہوئے اسے دکھایا گیا تھا، جن میں یوگا کرنا اور بلاکس کو رنگ کے لحاظ سے خود مختاری سے چھانٹنا شامل ہے’۔