9 مئی مقدمات میں سابق وزیر داخلہ اور سربراہ عوامی مسلم لیگ (اے ایم ایل) شیخ رشید کی عبوری ضمانتوں میں توسیع کردی گئی۔

انسداد دہشتگردی عدالت راولپنڈی کے جج ملک اعجاز آصف نے شیخ رشید اور شیخ راشد شفیق کے خلاف 9 مئی کے درج مقدمات کے خلاف کیس کی سماعت کی۔

شیخ رشید کے خلاف مقدمات کا تمام ریکارڈ عدالت میں پیش کر دیا گیا، اس موقع پر سرکاری وکلاء نے حتمی دلائل کے لیے چار جنوری تک وقت دینے کی استدعا کی۔

عدالت نے حتمی دلائل کے لیے سرکاری وکلاء کی استدعا منظور کرتے ہوئے سماعت چار جنوری تک ملتوی کردی اور شیخ رشید و شیخ راشد شفیق کی ضماتنوں میں بھی توسیع کر دی۔

اے ٹی سی راولپنڈی کے باہر میڈیا سے گفتگو میں شیخ رشید نے کہا کہ ان کیسوں سے میرا کوئی تعلق نہیں، میں 9 مئی کو یہاں موجود نہیں تھا، اداروں کا میں نے ہمیشہ احترام کیا ہے، البتہ اگر زندہ رہا تو الیکشن لڑوں گا۔